Skip to main content

يـانــاس خــلــوا كــــل وادٍ ومــجــراه ...قـلـتــوا كـثـيــر وقـولــكــم مـالـقـيـتـه






يالله يالـلـي تـسـجـد الـنــاس لـرضــاه
يـاوامــر خـلـقـه عـلــى حــــج بـيـتــه

تفرج لمن سده على الناس مـا ابـداه
راضي علـى مقسومـك اللـي عطيتـه

من شـن يسـل الحـال والجسـم يبـراه
والـنــاس مايشـفـونـه إن ماشـفـيـتـه

قـلــت آه واجـرحــاه مـــن خـلـتــي آه
وإن حمـلـونـي حـمــل غـــي قـويـتــه

قالوا سفا بالحـال ويـش اللـي أغـواه
قلـت آه ويـش المنكـر اللـي وطيـتـه؟

قالـوا جهـلـت وبــان علـمـك لمنـهـاه
قـلـت آه عـلـمـي يـامــلا مـــا كمـيـتـه

قـالـوا طلبـنـا لـــك مـــن الله مـعـافـاه
قـلــت آه وحـدتــه وعــفــوه رجـيـتــه

قالـوا هلـه وأحـبـاب عيـنـه نصحـنـاه
قــلــت آه هـــــذا واردٍ مـــــا بـغـيـتــه

قالـوا نـدور لـك مــن البـيـض حلـيـاه
قـلــت آه لـــو غـيــره بـكـفـي رمـيـتـه

قـالـوا نـشـاش الحـال وش لك بمـالاه
قـلـت آه عــود الـمـوز بـإيـدي لويـتـه

قـالـوا تـــزوج كـــود تـدلــه وتـنـسـاه
قلـت آه لــو خــذت أربــع مــا نسيـتـه

قالوا من أقصى الناس وين أنت وياه
قلـت آه مـا أنسـى يـوم جانـي وجيتـه

قـالــوا نـشـوفـه عـنــد هـــذا وهـــذاه
قلـت آه عـمـره ماعـقـب حـجـر بيـتـه

قــالــوا عـلـيــلٍ نـاقـلــن داه بـــــرداه
قـلــت آه بـأقـرابـي وروحـــي فـديـتـه

قـالــوا نـشـيـر ولا نــفــع ماحـكـيـنـاه
قـلــت آه هـــراج النـمـايـم عـصـيـتـه

قـالـوا كـثـر شـيـبـك وقـلـبـك بعـمـيـاه
قـلــت آه لـــو قـلـبـي غـريــر نـهـيـتـه

مــطــاوعٍ قـلـبــي بـعـجـفـاه وإقـــــداه
وإلــى عـطـى مـنـهـاج دربٍ عطـيـتـه

يـانــاس خــلــوا كــــل وادٍ ومــجــراه
قـلـتــوا كـثـيــر وقـولــكــم مـالـقـيـتـه



الـــشـاعــر الــوجــدانــي
عبدالله بن حمود بن سبيل

Popular posts from this blog

ظروفنا ماتستحي وايامنا ماهيب ريف ,,

القصيدة لـ محمد بن الذيب ..... ويقول فيها ظروفنا ماتستحي وايامنا ماهيب ريف = والأرض من كثر القحط ماعاد شفت اعلافها وحقي على البيت القوي ماهو على البيت الضعيف = وإلى بغيت أدمدم الجمه على غرافها خليت شمس العشق مركونه على حد الرصيف = الخطه المحبوكه تحقق جميع اهدافها يا اهل الثنائيات مضمون الثنائه سخيف= أنا لحالي أحكم الدفه مع مجدافها والمعرفي (شرطي) وخاواني ورقيته (عريف) = لكن تجهله العلوم ارباعها وانصافها يبغى يسوي مع جنابي بهرجه وانا مخيف = وهو الى شاف الدروب المستحيله خافها والمختلف مجلة الجمهور والشعر النظيف = ماهي غريبة لالقيتو صورتي في غلافها بس الغريبة يوم مريت الحساء ياهل القطيف = تذكرت عيني مدامعها على مشرافها واليوم مابه عذر يوم ارقاك يالضلع المنيف = الا اني اتعب ارجولي من كثر وقافها واكثر مشاريه الشجر عليك يافصل الخريف = هتكت ستر غصونها واسرفت في كلافها انا جويع وجوعي مواصل ماهو قطعة رغيف = وعيني من الفرقا حداها الهم عن محرافها والعفو عند المقدره صوره من الحب العفيف = هذا كلام اللي قطار العمر كله طافها اخذت فـ أبها شهر كامل يسمونه مصيف = والشمس تحجبها السحابه والرعود خلافها وعي

رابـــــح صقـــر == انا كـــــــــــــذا

أنا كذا من خلقني الهي أن جيت ببكي كذبتني المناديل *** الصبح أبصرخ وأمسي أجرح شفاهي أبعد علي البوح من نجمه سهيل نصفي يموت وباقي النصف لاهي راسي تجاذبها يدين المهابيل *** أكبرت فيك الحزم ناهي وراهي وأصغرت فيك الركض لمصافح الليل حبيبتي ما دونك ألا النواهي تكبيره الإحرام قيد الرجاجيل *** كلن على طبعه يفسر أشباهي ما غيرك الي لمسني نزعه النيل لقيت بك كذبن على الصدق زاهي ولقيت بك صدقن كما ريحه الهيل *** أنا أحبك من خلقني الهي ما تصدقي لو صدقتني المناديل

شجرة انساب قبيلة العرجان

بسم الله الرحمن الرحيم قال الله تعالى(( يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَى وَجَعَلْنَاكُمْ شُعُوباً وَقَبَائِلَ لِتَعَارَفُوا )) صدق الله العظيم ... الحجرات اية 13  السلام عليكم ورحمة الله وبركاته يشرفني ويسعدني أن تكون أول مواضيعي في هذا المنتدى الشامخ شجرة أنساب لقبيلة العرجان من بني شداد عبيدة قحطان  وهي من جهدي وعملي أنا عبدالله ابن مجاد الغربي العرجي عبيدة قحطان وقد تم العمل في شجرة الأنساب خلال الأشهر الماضية وقد تم خلال العمل بها استشارة الرجال العوارف من قبيلة قحطان وأهدئ هذه الشجرة لهذا المنتدى ولا أعضائه ولجميع من يحب هذه القبيلة واتمنى أن تنال على استحسان الجميع =واسئل الله العظيم أن يوفقنا لما يحبه ويرضاه = لاتنسوننا من خالص دعائكم http://www.qahtaan.com/vb/showthread.php?t=65563