راكب اللي سرعته تقل شقٍ من سمـا
ادعجٍ كنه يبا يقـول شـي ومستحـي
جيب لاند كروز وجهه تقل وجه اطخما
من غلا سعره بعيدٍ على بعض اللحـي
كن جلده لامشـى جلّـد همـال دهمـا
سيلها جريه لحا طرف الـوادي لحـي
وان مشى على هوينه .. تقل مشية عما
يتقدا يوم يمشي علـى حـروة وحـي
منوة اللي شابعٍ جوع .. رويانٍ ظمـا
جائعٍ ظامي على شوف غروٍ منتحـي
كل مايزمي خياله على بالي .. زمـا
هم قلبي .. والمشاريه تنحانـي نحـي
يامروجت الحكي ماش سن بـلا جمـا
النوايا كنها الشمس والـدرب ابرحـي
مالعدواني دخل في فراقـه .. وانمـا
عيدوا يوم ان بعده فحـا قلبـي فحـي
مارميتـم إذ رميتـم لكـن الله رمـا
دارت الدنيا علينا مثـل دور الرحـي
واوجودي كل مااذكرك ياعـذب اللمـا
وجد من ذنبه محا كل اهل بيته محـي
::
::
لافي الغيداني