سألني واحد من الغرب مره من هو المسؤل
عن شروط الحكم عند العرب قلت الجواب أكمى
يقول إن الحكم في بلادهم يمشي على الأوصول
بـما مـعناه صـوت المـنتخب قـانونـهـم الأسـمــى
لكني قلت إنتو مجتمع فاشل ويش انته تقـول
ياخوك احنا العرب حكامنا من دون ذكـر اسـمـى
يجي من بطن أمه للحكم كنه نبي مرسول
وحـنـا مـبـحلـقيـن عـيـــونـآا و كـبـودنـا تـظـــمــى
و أزيـدك كـل يـوم نبـجله و نـعظـمه و نـقــول
على أمـك رضـي الله كنـها الـزهـراء ولا أســـمى
و براتب نصف راتبكم لكن دخله يجي معقول
شــريـنـا بـالنجــوم الــي ينــور ليـلة(ن) ظلمى
شف البعد السياسي واقتصاد الدوله المذهول
قــصــور(ن) فــاخـرة لأصــحابــنا تــشرحــلنا الإمـى
وتسدد صاحب البقالة الي من شـهـر أو حول
و تشـري مـن الـظماد اـلي يـداوي كل جـرح أدمـى
من أول لاعب(ن)فأول دقيقة دخل أول قول
ثـقـافـتنا كـذا حـتى احتـقرنا العـشب و الـمـرمـــى
و من الأسمى هل المعقول أو هل بلا معقول
أو إن المجتمع أصلن مهو مـبنـي عـلـى الاسـمى
لكن لأهل الوجيه الي تشاهدني أحـب أقـــول
بأن الحق أخرص في الزمن ذا و الصحيح أعمـى
مائة عامن مع العالم نفكر بس دون عــقول
و بــنــينا بــالغــباء المــتراكــم دولة(ن) عظمى
عطس حاكم من الحكام مره و انــتثر بـترول
وصــاح الشعب فرحه من كثر خيره و جاه اغمــى
لكن الحاكم البهلول لأنه حاكم (ن) بــهلول
توســخ ثــوب حــكمه و استطاش و زاد سعر المى
محمد بن الذيب