لا شريت بيت خل نصه لضيوفك ..!!!

مرحبا ..
مايمديكم ع العنوان صح حماس صح

نخش في الموضوع .. ينصح بالقراءه المتأنيه لاستيعاب اكبر قدر من الموضوع

لا طالما اشتهرت الجزيره العربيه بكرم اهلها وحسن ضيافتهم لزوارهم .. ولعل ذلك كان السبب الرئيسي لاحتلال المجالس 50 بالميه ع الاقل من المنازل السعوديه
ومع مرور الوقت اصبح حسن الضيافه عبئا ثقيلا لايسعنا تحمله .. فاقتصرت مجالسنا على الاقارب والاصدقاء المقربين فقط ..!! وفي أوقات محدده في السنه << العيدين يعني
لكن للاسف مازالت المجالس تحتل تلك المساحات الشاسعه من منازلنا
ليه يعني ؟ << فصل
دام مالنا خلق نستقبل احد وشهو له نسوي مجالس من اصلو
ليه مانستفيد منها ونخليها غرف نوم زياده << كل هالمقدمه يبي غرفه لحاله ههههههههه

في بيتنا عندنا عاده غريبه مدري هي موجوده عند كل الناس او بس احنا
البيت اذا كان دورين الدور الثاني يكون غرف نوم وصاله ومطبخ وتكوه وصجه وتلفزيونات وصراخ .. والدور الارضي يكون فاضي .. وهادي ومافيه احد .. لانه مايسمح لاحد ينزل تحت عشان لايوصخون المجالس .. مدري ليه امهاتنا اذا شافونا جالسين في المجلس يقولون اطلع لا توصخ المجلس يمكن يجي ضيف فجأه .. اطلع خله يبقى نظيف
ليه يعني انا بمشي واطرش ولا بسوي ككا ع الارض ولا بنثر بسكوت يعني
المهم امي تختلف عن باقي الحريم الله يحفظها .. امي احتياطا تقول لاتنزل الدور الارضي من اساسه خلك فوق وش تبي بدور الضيوف تطور الموضوع من مجلس .. جزء من الدور .. الى الدور كامل الدور كامل صار مجلس للضيوف ..!!
الدور كامل صار ممنوع الاقتراب منه الا للحاجه الملحه جدااااا ..
ابي اعرف ليه تكلفنا وخسرنا وسويناه لا وتشطيبه دايم ازين من اللي الدور الثاني واشاشات بلازما وكنب مريح وطاولة طعام فارهه .. واحده في غرفة الحريم .. والثانيه في غرفة المقلط ..
كل هذا النعيم محروم منه ومحشور مع اخواني في دور واحد .. انواع الزحمه ياناس
تخيلو كنا 11 في دور واحد ..!! << وانا كنت دور البطوله
زحمه زحمــه زحمــــــه .. ابد مستحيل تلاقي وقت تقعد فيه لحالك دايم صجه .. وكل غرفه بتلاقي فيها اقل شي اثنين
اوقات انزل اتلسلس في الدور الارضي << كلمه جداويه يعني المشي خفية ..
بس اذا اقفطتني امي انواع التهزيء والصراخ الين اسمع شباك الجيران ينصك بقوه وكل هالاكشن عشانك نزلت دور الضيوف ..
كنت دايم اقول لامي .. وشفيها لا جلست هنا من فتره لفتره .. اوقات اكون طفشان من الزحمه اللي فوق ابي اقعد مع نفسي شوي تقول امي علينا
انت لو عطيتك وجه تولف بسرعه .. وتستحل الدور .. وكم يوم بعد تجيب لي السرنبت حقينك
تحسبني غشيمه فيك صدق من قال من طاوع الورعان شقو جيبه

وانا ها
وآكل هوا واسكت

بس الحمدلله هذا الكلام كان زمان اللحين الحمدلله تحسنت اوضاعنا بكثير ..
لان عددنا صار اقل في الدور اللي فوق << دور الضيوف لازال محرم

3 من اخواتي تزوجن وراحن بيوت رجلهن .. واخوي راح يدرس بالقصيم << اهدي له هذا الجمله

وصار عددنا 7 ..
شفتو يوم يقولون لكم قوم تعاونو ماذلو ..

المصدر: http://www.vb.eqla3.com/showthread.php?t=1081535