Skip to main content

الهجوس العوب قامت تشوت القلب شوت

الهجوس العوب قامت تشوت القلب شوت
والله ان بعض الهواجيس ملعونة ثوى
كنها لامرت القلب والعالم إخفوت
سم ناب اللي بجسمه على الساق التوى
راكب اللي لاشتغل كنه بوضع السكوت
جيب لاند كروزر.. يدنّي بعيد النوى
المديل الفــ2000ــين فآكس آر ماندّى زيوت
كن تمثاله على مقدمه لاعب قوى
يشتغل جنبك صلنصيل تقل بدون صوت
اشهد ان اللي تفنن بصنعه ماغوى
ان وقفْ مقفي.. تقل شيخٍ بحالة قنوت
وان وقفْ مقبل.. وجه فتنة اصحاب الهوى
جادلٍ لوشافها(عقاب)عاف(عقاب)نوت
وان لمحته معترض تقل كبسولة دوى
انسيابي ياخذ اطراف بدي الجيلبوت
كل ماتحده على اقصاه والدرب استوى
يطوي ليافكه الله من عيون النحوت
ازّود من الفين كيلو وليله ماضوى
عيبه مع الدرب زود الرساوه والثبوت
ثابتٍ ثبوت جندي قدم رتبة لواء
غالي الاثمان مركب كبيرين البخوت
عزتي للي يبا يشتريه.. ولاقوى
شهرته غطت على شهرة ايام الفروت
لو قالوا عصره وعصرهن ماهو سوى
نصه اللي واجب الضيف عنده مايفوت
وراعي دلالٍ غذاها علاجٍ للخوى
ابو(غازي)طيب الاصل شيال التخوت
مايقول لمن بغا فزعته مالك لوى
مايقف مواقفه معظم اصحاب البشوت
شاربٍ من منهل الطيب لين انه روى
قلتها..وان كشرت غيض نيبان الشموت
ماحسبت حساب فعله طبخ..والأ شوى
ماتكلم غير عندي على هرجي ثبوت
والملامه ذيبها حول مخلد ماعوى
جعل جنسه من هل الطيب يملون البيوت
وقت مالفزعة هل الطيب يذبحك الطوى
الرجال اللي تزبنكْ عن ظيم الوقوت
كل ماشان بنظرك الوجود وماحوى
حالفٍ مانسى معاريف(مخلد)لين اموت
مايجازي بالردى غير ملعون الثوى
Labels:

Comments

Post a Comment

Popular posts from this blog

ظروفنا ماتستحي وايامنا ماهيب ريف ,,

القصيدة لـ محمد بن الذيب ..... ويقول فيها ظروفنا ماتستحي وايامنا ماهيب ريف = والأرض من كثر القحط ماعاد شفت اعلافها وحقي على البيت القوي ماهو على البيت الضعيف = وإلى بغيت أدمدم الجمه على غرافها خليت شمس العشق مركونه على حد الرصيف = الخطه المحبوكه تحقق جميع اهدافها يا اهل الثنائيات مضمون الثنائه سخيف= أنا لحالي أحكم الدفه مع مجدافها والمعرفي (شرطي) وخاواني ورقيته (عريف) = لكن تجهله العلوم ارباعها وانصافها يبغى يسوي مع جنابي بهرجه وانا مخيف = وهو الى شاف الدروب المستحيله خافها والمختلف مجلة الجمهور والشعر النظيف = ماهي غريبة لالقيتو صورتي في غلافها بس الغريبة يوم مريت الحساء ياهل القطيف = تذكرت عيني مدامعها على مشرافها واليوم مابه عذر يوم ارقاك يالضلع المنيف = الا اني اتعب ارجولي من كثر وقافها واكثر مشاريه الشجر عليك يافصل الخريف = هتكت ستر غصونها واسرفت في كلافها انا جويع وجوعي مواصل ماهو قطعة رغيف = وعيني من الفرقا حداها الهم عن محرافها والعفو عند المقدره صوره من الحب العفيف = هذا كلام اللي قطار العمر كله طافها اخذت فـ أبها شهر كامل يسمونه مصيف = والشمس تحجبها السحابه والرعود خلافها وعي...
Post a Comment
Read more

رابـــــح صقـــر == انا كـــــــــــــذا

أنا كذا من خلقني الهي أن جيت ببكي كذبتني المناديل *** الصبح أبصرخ وأمسي أجرح شفاهي أبعد علي البوح من نجمه سهيل نصفي يموت وباقي النصف لاهي راسي تجاذبها يدين المهابيل *** أكبرت فيك الحزم ناهي وراهي وأصغرت فيك الركض لمصافح الليل حبيبتي ما دونك ألا النواهي تكبيره الإحرام قيد الرجاجيل *** كلن على طبعه يفسر أشباهي ما غيرك الي لمسني نزعه النيل لقيت بك كذبن على الصدق زاهي ولقيت بك صدقن كما ريحه الهيل *** أنا أحبك من خلقني الهي ما تصدقي لو صدقتني المناديل
Post a Comment
Read more

شجرة قبيلة حرب كامله بالتسلسل

الفروع الرئيسة لقبيلة حرب قبيلة حرب المعاصرة والمكونة من قبائل كثيرة تشكّل قبيلة واحدة هي قبيلة حرب التي تنقسم الآن إلى الجذمين الرئيسين وهما: بنو سالـم، ومسـروح، وينقسم كل جذم إلى بطون رئيسة كما هو موضح : حـــرب 1-بنو ســالـم (ميمـون ، مرَوّح) 2-مســـروح (بنوعمرو ، زبـيـد ، بنو عوف ، بنوالسفر ، مـخلَّف ، بنو علي) أ- قبائل بني سالم من حرب: أولا: قبائل المراوحة (من بني سالم من حرب) ومنهم: البلايجة الحوازم الحُجَلة الحنانية (ويتبعهم الجلادية). الحنيطات الردادة الظواهرة مزينة ثانياً: قبائل ميمون (من بني سالم من حرب)، ومنهم:الأحامدة الثوابت الجُمَلاء الحيادرة الرُّحَلة الرُّوثان السُّرَحَة صُبْح (الصبوح) بنو عمرو (من بني سالم) الغربان القُوَّاد المحاميد (من بني سالم) ولد محمد الموارعة الوسَدة بنو يحي ____________ ب: قبائل مسروح من حرب... أولاً: قبيلة بني علي .. . ثانياً: قبائل بني السفر (الحسنان والفردة والفهدة والوهوب).. ثالثاً: قبيلة عوف (الصواعد والنواصف).. عوف النسبه اليهم ( عوفي ) وعوف من مسروح احد جذمي قبيلة حرب العزيزه ...
Read more