لو إن عندي مثل ماعند الوليد بن طلال
شريت برج الفيصليه لجل اغيظ المملكه
ماهو على شان الجنيه ولا على شان الريال
لكن على بالي طرى شي تمنيت أدركه
غرو غرير غرره زينه ومطغيه الدلال
اليا لمح له درب في قلب الرجاجيل سلكه
هذا وانا ماشفت منه الا التمنع بالوصال
كفي من الحسرات لا مني تذكرت أفركه
صوته ليا جاني ظما يسقيني المي الزلال
وساعة غيابه تدخل عيوني ونومي معركه
شفايفه جمر وانا شاعر سريع الإشتعال
الله اشغلني به وغيري ما أشغله الا كبكه
لبا عيونه والشعر لاحط شال وشال شال
إن طوله وإن قصره وإن سعوده وإن أمركه
(لبا النحيل اللي تحمل شيلة حمول ثقال
ولبا الثقال اللي ولو وقف يجي فيه حركه)
اليا قفل جواله أظلم كل ماحولي ومال
فكري لتيار العذاب وكل طاروق أمسكه
وأصبحت أهوجس ما تقول إلا الوليد بن طلال
مع إني أفقر شخص عايش في حدود المملكه
شريت برج الفيصليه لجل اغيظ المملكه
ماهو على شان الجنيه ولا على شان الريال
لكن على بالي طرى شي تمنيت أدركه
غرو غرير غرره زينه ومطغيه الدلال
اليا لمح له درب في قلب الرجاجيل سلكه
هذا وانا ماشفت منه الا التمنع بالوصال
كفي من الحسرات لا مني تذكرت أفركه
صوته ليا جاني ظما يسقيني المي الزلال
وساعة غيابه تدخل عيوني ونومي معركه
شفايفه جمر وانا شاعر سريع الإشتعال
الله اشغلني به وغيري ما أشغله الا كبكه
لبا عيونه والشعر لاحط شال وشال شال
إن طوله وإن قصره وإن سعوده وإن أمركه
(لبا النحيل اللي تحمل شيلة حمول ثقال
ولبا الثقال اللي ولو وقف يجي فيه حركه)
اليا قفل جواله أظلم كل ماحولي ومال
فكري لتيار العذاب وكل طاروق أمسكه
وأصبحت أهوجس ما تقول إلا الوليد بن طلال
مع إني أفقر شخص عايش في حدود المملكه
Comments
Post a Comment